Fréttir og tilkynningar

24. nóvember 2009

Til að koma okkur í jólaskap þá ætlum við að föndra saman að vanda í skólanum okkar. Í ár ætlum við að bjóða upp á bæði

jólakortagerð og úrval af trévörum til að mála.

Þetta er ætlað börnum í fylgd með fullorðnum og að

sjálfsögðu eru systkini, afar og ömmur velkomin.

Hvar: Salnum í Selásskóla

Hvenær: Laugardaginn 28. nóvember

Klukkan: 11:00 – 14:00

Kostnaður: Kort: 250 krónur á pakka með 6 kortum í

Kostnaður: Trévörur: 300 - 600 krónur á tréhlut (með málningu)

Hressing: Léttar veitingar í boði foreldrafélagsins

Það sem þarf að taka meðferðis:

Kortagerð: Tréliti, límstifti, glimmer, upphækkunarsvampa og það skraut sem ykkur langar til að nota

Trémálun: Pensla, málningarföt, skreytiefni eins og „snjó“ og málningu ef þið eigið (við verðum með grunnlitina)

Einnig ætlum við að vera með jólamyndir til að lita á A4 blöðum fyrir yngstu börnin, svo snjallt væri að taka vaxliti með fyrir þau.

Vonumst við til að sem flestir láti sjá sig í jólaskapi og föndurstuði...

Elna og Rut

14. september 2009

Þjónustumiðstöð Árbæjar og Grafarholts fyrirhugar að halda uppeldisnámskeið í október og nóvember nk. ef næg þátttaka fæst. Námskeiðið er á vegum Félagsvísindastofnunar Háskóla Íslands og heitir „SOS!-hjálp fyrir foreldra“. Þetta er sex vikna námskeið sem sálfræðingurinn Lynn Clark þróaði og hefur verið haldið reglulega, í nokkur ár, á Íslandi.

Námskeiðið hefst mánudaginn 12.október og stendur yfir í sex vikur. Kennslan fer fram á mánudögum frá 17:00 til 19:30, í Hraunbæ 105. Leiðbeinandi á námskeiðinu er Auður Erla Gunnarsdóttir sálfræðingur. Námskeiðskostnaður er 18.000 krónur fyrir eitt foreldri en 25.000 krónur fyrir tvo. Áhugsömum er bent á að sum stéttarfélög greiða niður hluta af námskeiðskostnaði.

Námskeiðinu er ætlað að hjálpa foreldrum að bæta hegðun barna sinna og stuðla að félagslegri og tilfinningalegri aðlögun. Meðal annars er fjallað um hvernig skýr skilaboð efla foreldrahlutverkið, um aðferðir til að efla æskilega hegðun og hvernig draga má úr óæskilegri hegðun. Aðferðirnar nýtast við uppeldi barna að minnsta kosti til tólf ára aldurs.

Námskeiðið samanstendur af fyrirlestrum og umræðum auk þess sem sýnd verða dæmi um samskipti foreldra og barna á myndbandi. Þátttakendur æfa aðferðina sjálfir á milli kennslustunda. Námskeiðið er fyrir alla áhugasama foreldra um barnauppeldi!

Skráning er hjá Félagsvísindastofnun Háskóla Íslands í síma 525 4545 eða á netfanginu Þetta tölvupóstfang er varið með ruslpóstssíu. JavaScript verður að vera virkt í vafranum þínum til að póstfangið sjáist. . Nánari upplýsingar um námskeiðið má nálgast á vefsíðunni http://stofnanir.hi.is/fel/sos_uppeldisnamskeid.

Sólskinsvefnum: Sólskinsvefurinn er umhverfis- vefurinn okkar. Á honum má finna ýmsan fróðleik um náttúruvísindi og kennslu þeirra. Til að heimsækja vefinn skaltu smella hér.
Olweusaráætluninni: Selásskóli er Olweusarskóli en í því felst að unnið er er eftir áætlun sem kennd er við Norðmanninn Dan Olweus. Nánari upplýsingar fást hér.
Myndasafninu: Við höfum gaman að því að taka myndir af því sem nemendur okkar eru að fást við í skólanum. Ef þú vilt skoða myndirnar smelltu þá hér.

Fréttir og tilkynningar

Ýmsar slóðir

Við vekjum athygli á