Árgangur 1999

09. mars 2010

Heimsókn á Minjasafn Reykjavíkur
Fimmti bekkur brá sér bæjarleið fimmtudaginn 4. mars.  Við tókum strætisvagn í bæinn og gengum í gegn um gamla miðbæinn. Í Aðalstræti  16 er sýning á heillegri rúst af landnámsskála sem búið var í á tímabilinu frá 930 – 1000. Þessi sýning er mjög skemmitleg og vel unnin – mikið af tölvugrafík og gömlum munum í bland auk skálans sem er í miðju hússins. Húsið er yfirbygging yfir rústina og brunn sem er við hlið hússins. Það var tekið vel á móti okkur – safnakennari var á staðnum og fengum við góða leiðsögn. Þetta vakti mikla forvitni hjá krökkunum og var mikið  talað um t.d muninn á húsagerðinni  þá og nú  og hvernig líf barna í landnámsskálanum hefur verið.  Þá var höfum við einnig verið að tala um hvernig landnámsmenn öfluðu sér matar og fatnaðar og hvernig var umhorfs  í Reykjavík á þessum tíma. Hér eru myndir úr ferðinni.

16. september 2009

Hvalbak og jökulrispur
Um daginn lögðu nemendur í 5. KÓ land undir fót. Örkuðu niður að Rauðavatni og skoðuðu eitt af furðuverkum náttúrunnar. Áður hafði Kristín kennari frætt um náttúrufyrirbærið sem átti að skoða í ferðinni. Eftir ferðina vita allir sem fóru með hvað hvalbak og jökulrispur eru og hvernig hægt er að nota jökulrispurnar til að rata niður að sjó. Áður en haldið var heim gerðu krakkarnir náttúrulistaverk en efniviðurinn í listaverkin var nú mis náttúrulegur. Kíkið á myndasafnið til að skoða myndir úr ferðinni.

19. febrúar 2009

Ljósahátíð
Í dag minntu nemendur í 4. KÓ okkur á það hversu mikilvægt ljósið er fyrir okkur sem búum hér í norðrinu. Þau sungu söngva og lásu texta af stakri prýði og voru til mikils sóma. Annars er sjón sögu ríkari. Endilega skoðið myndirnar með því að kíkja í myndasafnið.

---