Árgangur 2000

19. apríl 2010

Setning barnamenningarhátíðar
Barnamenningarhátíð var sett í morgun með heilmikilli skrúðgöngu nemenda í fjórða bekk í grunnskólum Reykjavíkur. Hver skóli skartaði sínum einkennislit, okkar var gulur, og á leið okkar rákumst við á ýmsar furðuverur. Menntamálaráðherra og borgarstjóri settu hátíðina með pompi og prakt með því að sleppa tveimur dúfum og Fíasól veitti þeim aðstoð. Við hvetjum alla til að vera duglega að sækja atburði hátíðarinnar. Sjá myndir frá setningunni hér

05. mars 2010

Heimsókn á Ásmundasafn
Í vikunni fóru fjórðu bekkingar í heimsókn í Ásmundasafn þar sem þeir fengu fræðslu um safnið og verkin sem þar eru. Krakkarnir unnu verkefni í safninu og voru skólanum til mikils sóma. Endilega skoðið myndir frá ferðinni hér

og til að fræðast dálítið meira um Ásmund þá er vel þess virði að kíkja hér

10. desember 2009

Ljósahátíð
Ljósið skiptir þjóðirnar í norðrinu miklu máli enda þekkjum við Íslendingar hvað myrkrið getur verið svart á þessum tíma árs. Aðventan er okkur kærkomin því þá birtast ljós í hverjum glugga sem lýsa okkur og gleðja í svartasta skammdeginu. Á aðventunni fagnar fjórði bekkur ljósinu með sýningu þar sem þau segja frá og syngja um ljósið. Í morgun var ljósahátíðin hjá okkur hér í skólanum og sýningin heppnaðist í alla staði frábærlega. Foreldrar og kennarar mega vera stoltir af börnunum. Það má til sanns vegar færa að fjórði bekkur tendraði ljós í hverju hjarta í dag með sýningunni sinni.

Smellið á appelsínugulu örina til að sjá myndir frá sýningunni og á grænu örina til að sjá myndband.

04. september 2009

Um samræmdu prófin
Samræmdu prófin eru á næsta leiti. Þau verða fimmtudaginn 17. og föstudaginn 18. september. Þetta er heldur fyrr að hausti en áður. Fram til þessa hafa prófin verið lögð fyrir um miðjan október. Prófunum er ætlað að meta stöðu nemenda í grunnfögunum, íslensku og stærðfræði og hvort þeir hafa náð að tileinka sér undirstöðuna sem áframhaldandi nám í þessum námsgreinum byggir á. Við leitumst við að undirbúa nemendur þannig að prófin valdi nemendum ekki óþarfa álagi og hvetjum foreldra til að gera slíkt hið sama. Það er mikilvægt að nemendur viti hvað bíður þeirra og þess vegna er skynsamlegt að sýna þeim gömul próf. Það gerum við hér í skólanum en ef foreldrar vilja skoða eldri samræmd próf með börnum sínum eða nálgast aðrar upplýsingar um prófin má finna þær með því að smella á örvarnar hér fyrir neðan.

Námsmatsstofnun
Gömul samræmd próf
Foreldrabréf
Nemendabréf

19. febrúar 2009

Dagur íslenskrar tungu
Í tilefni af Degi íslenskrar tungu gerðu ýmsir bekkir móðurmálinu okkar hátt undir höfði. Þriðju bekkirnir fluttu kynningu á Jónasi Hallgrímssyni á sal. Þau fluttu meðal annars ljóð eftir Jónas og sögðu frá ævi hans. Þau sýndu myndverk sem þau höfðu unnið sjálf á meðan þau fluttu kynninguna.

Sólskinsvefnum: Sólskinsvefurinn er umhverfis- vefurinn okkar. Á honum má finna ýmsan fróðleik um náttúruvísindi og kennslu þeirra. Til að heimsækja vefinn skaltu smella hér.
Olweusaráætluninni: Selásskóli er Olweusarskóli en í því felst að unnið er er eftir áætlun sem kennd er við Norðmanninn Dan Olweus. Nánari upplýsingar fást hér.
Myndasafninu: Við höfum gaman að því að taka myndir af því sem nemendur okkar eru að fást við í skólanum. Ef þú vilt skoða myndirnar smelltu þá hér.

Árgangur 2000

Ýmsar slóðir

Við vekjum athygli á