Árgangur 2001

06. janúar 2010

Hvað er sólkerfið stórt?
Okkur þykir jörðin vera stór en þegar við skoðum hana í samhengi við sólkerfið okkar þá er hún ósköp lítil. Ef við tækjum nú upp á því að skoða hana í samhengi við vetrarbrautina sem sólkerfið okkar er í væri hún eins og agnarlítið sandkorn á sandströnd. Fjarlægðirnar í geimnum eru svo óskaplega miklar að það er erfitt skilja þær með því að nota venjulega mælikvarða. Það gengur ef til vill betur ef við smækkum sólkerfið og reikistjörnurnar og það var einmitt það sem þriðji bekkur gerði í morgun. Sólin var smækkuð niður í blöðru og jörðin niður í sandkorn. Síðan var farið niður á Rauðavatn og fjarlægðirnar á milli plánetanna stikaðar út á ísnum og rætt um sólkerfið í leiðinni. Aðstoðarskólastjórinn fékk að koma með í ferðina og hann undraðist mjög hvað krakkarnir voru fróðir um sólkerfið. Þannig að ef þið þurfið að vita eitthvað um sólkerfið þá spyrjið bara krakkana í þriðja bekk. Þau eru sérfræðingar í þessu.  Hér eru myndir.

23. október 2008

Veðurfræðingur í heimsókn
Eitt af útikennsluverkefnum nemenda í 2. bekk í Selásskóla er að læra um veðrið og gera einfaldar veðurmælingar á skólalóð. Í tilefni af því kom Ingibjörg Karlsdóttir móðir Svölu í 2. SJB í heimsókn föstudaginn 12. október sl. og fræddi börnin um veður og veðurmælingar. Við þökkum henni fyrir skemmtilega og upplýsandi fræðslu um mikilvægi þess að gá til veðurs.

---