Árgangur 2002

26. mars 2010

Ævintýraskógurinn
Í morgun sýndu nemendur í öðrum bekk okkur leik- og söngleik um ævintýraskóginn. Söguþráðinn sömdu þau sjálf og sungu lög úr leikritinu um Ronju ræningjadóttur. Sagan þeirra passar vel við heilmikið verkefni sem þau hafa verið að vinna í vetur um tré og skóg. Í stofunni þeirra er til dæmis heill ævintýraskógur sem þau gerðu sjálf og myndirnar í bakgrunninum voru einmitt úr ævintýraskóginum þeirra. Þau voru greinilega búinn að æfa sig mjög vel því sýningin var glæsileg. Allir lásu textann sinn skýrt og fallega og söngurinn þeirra hljómaði hátt og snjallt um salinn. Þau fengu mikið klapp í lokinn og þá tóku þau að sjálfsögðu aukalag. Aukalagið var sjálfur þjóðsöngurinn okkar. Áhorfendur í salnum stóðu upp og tóku undir. Það var svo sannarlega hátíðlegt. Hér er mynband frá sýningunni

19. febrúar 2009

Heimsókn í Árbæjarsafn
Fyrsti bekkur fór í dag 25. nóvember á Árbæjarsafnið til að sjá sýninguna „Senn koma jólin“. Farið var í gamla býlið Árbæ og í torfkirkju safnsins. Við fræddumst um jólaundirbúning og jólahald í gamla daga.
Allir voru til fyrirmyndar og bíða spenntir eftir komu jólasveinanna.

19. febrúar 2009

Hrósdagur
Tuttugasta og níunda desember var hrósdagur hjá 1. bekk. Nemendur hafa undanfarið safnað hrósum í dós. Þegar þeir eru búnir að ná ákveðnu lágmarki eru þeir verðlaunaðir. Nemendur héldu bekkjarfund og ákváðu að hafa búninga-/náttfatapartý með diskóljósum. Dagurinn tókst vel og allir slettu ærlega úr klaufunum.Myndin hér til hliðar er af hrósdósinni sem krakkarnir safna í.

23. október 2008

Fyrstu dagarnir í skólanum
Nú er rúmur mánuður liðinn síðan skólinn hófst og skólalífið komið í sinn hefðbundna takt. Nýju nemendurnir okkar í fyrsta bekk eru farnir að venjast þessu stóra húsi og þeim breytingum sem fylgja því að byrja í grunnskóla. Þau hafa verið að vinna að ýmsum skemmtilegum verkefnum undir leiðsögn kennaranna sinna þeim Bryndísi og Steinunni. Skoðið myndir af krökkunum sem voru teknar í fyrstu vikunni þeirra í skólanum. Það eru nokkrar myndir af krökkunum í myndasafninu.

Sólskinsvefnum: Sólskinsvefurinn er umhverfis- vefurinn okkar. Á honum má finna ýmsan fróðleik um náttúruvísindi og kennslu þeirra. Til að heimsækja vefinn skaltu smella hér.
Olweusaráætluninni: Selásskóli er Olweusarskóli en í því felst að unnið er er eftir áætlun sem kennd er við Norðmanninn Dan Olweus. Nánari upplýsingar fást hér.
Myndasafninu: Við höfum gaman að því að taka myndir af því sem nemendur okkar eru að fást við í skólanum. Ef þú vilt skoða myndirnar smelltu þá hér.

Árgangur 2002

Ýmsar slóðir

Við vekjum athygli á