05. júlí 2010
Vefur Selásskóla
Það fer væntanlega ekki fram hjá glöggum gestum vefsins okkar að hann tekur miklum breytingum þessa dagana. Við erum við að nýta okkur það tóm sem gefst yfir sumarmánuðina þegar notkunin á vefnum er í lágmarki til að föndra dálítið við hann. Það verður víst ekki hjá því komist að vefurinn verði dálítið ruglingslegur á meðan þessu vefföndri stendur og biðjumst við velvirðingar á því.
Gefum okkur að þegar verki er lokið þá séum við með betra verkfæri í höndunum til að miðla upplýsingum um skólann og starfið sem fer fram í honum. Allar ábendingar eru vel þegnar.
Hlutverk vefsins
Vefnum er ætlað að miðla upplýsingum um skólann og skólastarfið og einnig segja frá því sem er að gerast í skólanum hverju sinni. Það er von okkar að hann reynist gagnlegur þeim sem skólastarfið snertir, nemendum, foreldrum og kennurum og auðvitað öllum þeim sem hafa áhuga á starfinu sem fer fram í skólanum.
Uppbygging vefsins
Vefnum er skipt upp í fimm hluta fyrir utan það efni sem fer á forsíðuna.
Um skólann
Almennar upplýsingar um skólann og starfsmenn. Þar er einnig að finna efni sem skólanum er skylt að gefa út samkvæmt grunnskólalögum ásamt efni sem Menntasvið Reykjavíkur óskar eftir að skólinn gefi út. Hér má meðal annars finna almennan hluta skólanámskrárinnar, sjálfsmatsskýrslu, umbótaáætlanir og ýmsar viðbragðsáætlanir.
Nám og kennsla
Efni sem tengist kjarnanum í starsemi skólans. Hér eru námsáætlanir faga birtar og einnig upplýsingar um hvernig stuðningi er háttað.
Nemendur
Frásagnir af starfinu í árgöngum, myndasöfn, krækjur o.fl.
Foreldrar
Upplýsingar fyrir foreldra. Hér má finna upplýsingar um foreldrafélagið, foreldraráð og einnig ýmis eyðublöð.
Starfsfólk
Efni fyrir starfsfólk og kennara skólans. Þessi hluti vefsins er læstur.
