Forsíða

föstudagur, 18 maí 2012

Örkin hans Nóa

Nú rekur hver sýningin aðra og allar eru þær virkilega skemmtilegar að sjá. Í gær sýndi annar bekkur okkur atriði á sal sem fjallaði um hann Nóa kallinn sem bjargaði öllum dýrunum í örkina sína þegar allt rigndi á kaf hér forðum. Krakkarnir lásu fróðleik og sungu fallega fyrir áhorfendur og gerðu það svo svo vel að kennarar þeirra og foreldrar voru að rifna af stolti. Hér eru nokkrar myndir

Á Bjarteyjarsandi

Um daginn fór fyrsti bekkur á Bjarteyjarsand þar sem þau fengu smávegis nasaþef af lífinu í sveitinni. Núna er mikið um að vera á Bjarteyjarsandi vegna þess að sauðburður er í fullum gangi. Hópurinn var svo heppinn að verða vitni að því þegar kind bar og lítið fallegt lamb kom í heiminn. Krakkarnir fengu síðan að halda á nýfæddum lömbum og njóta góða veðursins í fjörunni. Hér eru myndir úr ferðinni.

Sjóferð um sundin

Í boði Faxaflóahafna fór fimmti bekkur í sjóferð um sundin í gær á bátnum Skúlaskeið. Í ferðinni fræddust nemendur um höfnina, skipin og eyjarnar. Þeir fræddust einnig um lífríkið í hafinu og skoðuðu botndýr sem sótt voru á botninn með botnsköfu. Af botninun kom meðal annars slöngustjarna, krossfiskur, trjónukrabbi, sæbjúga, möttuldýr, burstaormur og smyrlingur. Nokkrar myndir voru teknar og þær eru hér

Dansað á Barnamenningarhátíð

Í vikunni sem leið var Barnamenningarhátíð í fullum gangi. Nemendur í fjórða bekk fengu boð um að taka þátt og fóru í Hörpuna þar sem þau hittu fjöldan allan af öðrum fjórðu bekkingum. Þar dönsuðu þau meðal annars saman dans sem þau höfðu áður lært í skólanum. Hér eru myndir úr ferðinni.

Fyrsti bekkur fékk einnig boð í tengslum við hátíðina. Árbæjarsafn bauð þeim í heimsókn og kynnti fyrir þeim tónlistina við vísurnar í Vísnabókinni. Það var greinilega fróðleg og skemmtileg heimsókn eins og sjá má á myndunum.

Undanfari Frá sýningunni ð hafa nemendur í þriðja bekk fræðst um hvernig lífið var á Íslandi hér áður fyrr. Í morgun var komið að þeim að fræða okkur hin og það gerðu þau á skemmtilegan hátt á sal í morgun. Gamla Ísland spratt ljóslifandi fram þegar þau sungu gamlar íslenskar þjóðvísur fyrir okkur og kynntu ýmsar persónur úr gamla tímanum og hlutskipti þeirra. Það var aldeilis skemmtilegt og fræðandi að ljúka skólavikunni á þennan hátt. Hér eru myndir.

Útiíþróttir byrja 2. maí.

Máluð páskaegg

Föstudagurinn 30. mars er síðasti kennsludagurinn fyrir páska. Fyrsti kennsludagur eftir páska er miðvikudagurinn 11. apríl. Starfsdagur er þriðjudagurinn 10. apríl.

Hópaskipti í sundi

Síðasti tími sundhópanna sem voru í sundí fyrir áramót var í vikunni 16. - 20. janúar. Nýjir hópar taka við í vikunni 23. - 27. janúar.

Meira að skoða

Í Hálsaskógi

30. mars 2012

Í dag ba Dýrin í Hálsskógi uð fimmti bekkur okkur inn í ævíntýraveröld Thorbjörn Egner þegar þau sýndu okkur leikritið Dýrin i Hálsaskógi. Það var greinilegt að þau höfðu lagt heilmikið á sig til að sýningin yrði sem best og uppskáru mikið og verðskuldað lófaklapp í lokin.Hver man ekki eftir Lilla klifurmús, Mikka ref, Hérastubb bakara of mörgum fleirum. En sjón er alltaf sögu ríkari og þess vegna tókum við bæði ljósmyndir og kvikmynd af sýningunni. Ljósmyndirnar eru hér en kvikmyndin kemur síðar því það tekur smá stund að útbúa hana. Hér fyrir neðan er upptaka frá sýningunni.

Lesa meira...

Upplestrarkeppnin

23. mars 2012

Lesið í kirkjunni Lokahátíð upplestrarkeppninnar fór fram í Árbæjarkirku á fimmtudaginn. Andrea og Lilja kepptu fyrir Selásskóla. Ekki fór nú svo að þær næðu einu af þremur af efstu sætunum en engu að síður lásu þær textana sína af stakri prýði og voru skólanum sínum til mikils sóma. Hér eru myndir frá upplestrarkeppninni. Bæði þeirri var í skólanum og lokahátíðinni í Árbæjarkirkju.

Reykir

19. mars 2012

Þ Skólahúsið á Reykjum eir eru margir nemendurnir úr Selásskóla sem eiga sælar minningar frá dvölinni í skólabúðunum að Reykjum í Hrútafirði. Á hverju ári hefur sjöundi bekkur tekið sér viku frí frá hefðbundnu námi i skólanum og brugðið sér í Hrútafjörðin. Þessar ferðir hafa alltaf verið feyki vel heppnaðar og ekki var að heyra annað á krökkunum í dag að þau hafi átt góða viku fyrir norðan. Kíkið á myndirnar sem leynast undir örinni.

Upplestrarkeppnin

08. mars 2012

Þeir sem lásu

Í morgun var lokahátíð Stóru upplestrarkeppninnar hér í skólanum. Þá kepptu sex nemendur í sjöunda bekk um tvö sæti í lokakeppninni sem verður í Árbæjarkirkju þann 22. mars. Þau sem kepptu höfðu unnið forkeppnina sem var haldin í bekknum í síðustu viku. Þau sem lásu voru Andrea K, Díana, Ísabella, Kolbeinn, Lilja og Sigrún. Á meðan beðið var eftir dómnendinni fluttu Rakel, Ólöf, Díana, Ísabella lagið Ást eftir Magnús Þór og Andrea K spilaði Kærleiksvalsinn á þverflautu. Þegar Andrea hafði lokið að spila tilkynnti dómnefndin úrslitin. Andrea og Lilja báru sigur úr bítum og Díana var valin til vara. Við óskum öllum þeim nemendum sem komu fram á hátíðinn til hamingja með frábæra frammistöðu.

Fleiri greinar...

Síða 1 af 26

<< Upphaf < Fyrri 1 2 3 4 5 6 7 8 9 10 Næsta > Endir >>

Fjöldi heimsókna : 174216

12 gestir Í heimsókn

Sólskinsvefnum: Sólskinsvefurinn er umhverfis- vefurinn okkar. Á honum má finna ýmsan fróðleik um náttúruvísindi og kennslu þeirra. Til að heimsækja vefinn skaltu smella hér.
Eineltisáætlun skólans: Selásskóli er Olweusarskóli en í því felst að unnið er er eftir áætlun sem kennd er við Norðmanninn Dan Olweus. Nánari upplýsingar fást hér.
Myndasafninu: Við höfum gaman að því að taka myndir af því sem nemendur okkar eru að fást við í skólanum. Ef þú vilt skoða myndirnar smelltu þá hér.