Vefur Selásskóla

Það fer væntanlega ekki fram hjá glöggum gestum vefsins okkar að hann tekur miklum breytingum þessa dagana. Við erum við að nýta okkur það tóm sem gefst yfir sumarmánuðina þegar notkunin á vefnum er í lágmarki til að föndra dálítið við hann. Það verður víst ekki hjá því komist að vefurinn verði dálítið ruglingslegur á meðan þessu vefföndri stendur og biðjumst við velvirðingar á því. Gefum okkur að þegar verki er lokið þá séum við með betra verkfæri í höndunum til að miðla upplýsingum um skólann og starfið sem fer fram í honum. Allar ábendingar eru vel þegnar.

Selásskóli styrkir Unicef á Íslandi

Í maí sýndu nemendur Selásskóla hug sinn í verki með því að leysa ýmsar þrautir til að styðja við starf Unicef á Íslandi. Allir nemendur skólans og einnig starfsmenn stormuðu út í Rauðavatnsskóg einn  morguninn og leystu hverja þrautina á fætur annari. Allir voru kátir og glaðir og létu ekkert á sig fá þótt örlítið dropaði úr lofti. Í vikunni á undan höfðu nemendur fengið fræðslu um mismundandi aðstæður barna og hjálparstarf. Stemmingin var góð eins og sést á fjölda mynda sem hægt er að skoða hér.

Útskrift 2010

Á föstudaginn voru 7. bekkingar kvaddir við athöfn á sal skólans. Nemendur höfðu undirbúið metnaðarfulla dagskrá þar sem þeir fluttu tónlist, dönsuðu, lásu upp ljóð, litu yfir farinn veg og fluttu gjörning um Sigurð Fáfnisbana. Að loknum hefðbundnum útskriftardagskrárliðum, ræðu, afhendingu viðurkenninga og vitnisburðarafhendingu komu nemendur, foreldrar og starfsfólk skólans saman í Miðgarði og snæddu dýrindis kökur í boði foreldra og starfsfólks skólans.

Starfsfólk Selásskóla óskar útskriftarhópnum til hamingjum með áfangann og vonar að þeim farnist vel í leik og starfi í framtíðinni. Hér eru myndir frá athöfninni